حل التاسك السابع

<<<حل التاسك السابع>>>

مساااء الخير

الاول كل سنه وانتوا طيبين يارب عيد سعيد عليكوا وايام جميلة ان شاء الله ☺☺

دلوقتى معاد حل التاسك .. كنت بشوف كومنتاتكوا من بعيد لبعيد كدا وفى ناس ماشاء الله عليها يعنى 😄😄

هبدأ احل سؤال سؤال وهفسر كل حاجه ان شاء الله 

=======Find the error=======

1)

السؤال ده فى حوالى 5 جاوبوه صح كااامل 

قبل مااقول الحل عاوزه بس اقول ان مش شرط جملة cout زى مثلا "Please enter your number" تكون اخرها n\ .. دى بتبقا حاجه حسب رغبتك وزوقك انت .. انا واحده من الناس بحب الرقم يبقا اللى اقراه يبقا جنب الجمله مش تحتيه فعلشان كدا هتلاقوا معظم اكوادى كدا

ف ده مش error خالص ☺☺

- Line 6,8

المتغير متعرف غلط .. فيه شروط لكتابه اسم المتغير وهى:

اولا لازم يبدأ بحرف غير كدا مينفعش .. ثانيا ممكن يحتوى على كل الحروف سواء Capital letter او Small letter او يحتوى على الارقام او علامه واحده بس وهى الـunderscore (_) اى علامة غيرها مينفعش هيطلعلك error .. ثالثا مينفعش يكون اى كلمة من الكلمات الداله فاللغة بمعنى ان مينفعش اسمى متغير باسم cout , cin , if مثلا

-Line 9

طبعا بردو اسم المتغير .. وعلامه = لازم تكون == زى مااتقفنا ان دى علامه الشرط .. وطبعا شرط if مفيهوش semicolon ☺☺

-Line 15

المفروض ; بدل :